न्हावरे येथे मल्लिकार्जुन कावड मंडळाचे जल्लोषात स्वागत; चारधाम यात्रा यशस्वीरित्या पूर्ण

न्हावरे (प्रतिनिधी) : न्हावरे येथील मल्लिकार्जुन कावड मंडळाने उत्तराखंडमधील पवित्र चारधाम यात्रा यशस्वीरित्या पूर्ण करून आज आपल्या गावभूमीत आगमन केले. मंडळाच्या सदस्यांचे गावात ढोल-ताशांच्या गजरात, साऊंड सिस्टिमच्या दणदणाटात आणि उत्साहपूर्ण वातावरणात भव्य स्वागत करण्यात आले. मंडळाने यमुनोत्री, गंगोत्री, 

  

केदारनाथ आणि बद्रीनाथ या चारही पवित्र धामांचे दर्शन घेऊन यात्रा पूर्ण केली. या धार्मिक यात्रेमुळे सहभागी भाविकांना आध्यात्मिक समाधान लाभल्याची भावना व्यक्त करण्यात आली. गावातील ग्रामस्थ, युवक आणि भक्तगणांनी यात्रेकरूंचे पुष्पवृष्टी करून स्वागत केले. तसेच मल्लिकार्जुन महाराजांच्या कृपेने यात्रा सुखरूप 

पार पडल्याबद्दल समाधान व्यक्त करण्यात आले. यावेळी सर्व ग्रामस्थांना स्वागत सोहळ्यास उपस्थित राहण्याचे आवाहन करण्यात आले होते. चारधाम यात्रेत सहभागी झालेल्या सर्व सदस्यांचे ग्रामस्थांकडून अभिनंदन करण्यात आले.