शिरूर (शेख शौकत मुजावर) : बालाजी इंग्लिश मीडियम स्कूलचा विद्यार्थी अभय समशेर गुप्ता याने नेपाळमधील पोखरा येथे पार पडलेल्या आंतरराष्ट्रीय कराटे स्पर्धेत उल्लेखनीय कामगिरी करत भारतासाठी रौप्यपदक पटकावले. तसेच भारतीय संघाने प्रथम क्रमांकाची ट्रॉफी जिंकत देशाचा गौरव वाढविला. अभय हा शिरूर येथील आय. टी.के.बी. कराटे क्लास, रयत ग्राउंड येथे मागील अनेक
वर्षां पासून कराटेचे प्रशिक्षण घेत आहे. त्याच्या उत्कृष्ट खेळामुळे त्याची आंतरराष्ट्रीय स्तरावरील स्पर्धेसाठी निवड झाली होती.या यशामागे ग्रँड मास्टर अकबर शेख तसेच कोच फैजान शेख या प्रशिक्षकाचे मोलाचे मार्गदर्शन लाभले. या उल्लेखनीय यशाबद्दल बालाजी इंग्लिश मीडियम स्कूल शिरूर च्या शिरापेचात मानाचा तुरा रोवला गेला आहे. संस्थेचे चेअरमन सदाशिव अण्णा पवार,प्राचार्य विठ्ठल तुपे,शिक्षकवृंद ,पालक वर्गाकडून अभयचे अभिनंदन करण्यात येत आहे.
No comments:
Post a Comment