पुणे जिल्हा मध्यवर्ती सहकारी बँकेचा १०८ वा वर्धापन दिन उत्साहात

शिरूर : देशातील सहकार क्षेत्रातील अग्रगण्य व नामांकित संस्था असलेल्या पुणे जिल्हा मध्यवर्ती सहकारी बँक लि. पुणे हिचा १०८ वा वर्धापन दिन शिरूर शाखेत उत्साहात साजरा करण्यात आला. या प्रसंगी माजी आमदार तथा बँकेचे सदस्य अशोक पवार उपस्थित होते. त्यांनी बँकेच्या प्रगतीबाबत 

माहिती दिली. सन १९१७ मध्ये न. ची. केळकर साहेब यांनी अवघ्या ५१ हजार रुपयांच्या भागभांडवलातून सुरू केलेल्या या बँकेने आज शंभराहून अधिक वर्षांचा यशस्वी प्रवास पूर्ण केला आहे. आज बँकेत १५,३०० कोटी रुपये ठेवी जमा असून, १३ हजार कोटी रुपयांपेक्षा अधिक कर्जवाटप करण्यात आले आहे. खऱ्या अर्थाने या बँकेच्या प्रगतीला गती मिळाली ती राज्याचे उपमुख्यमंत्री अजितदादा पवार यांच्या मार्गदर्शनाखाली. दादांच्या संचालक मंडळातील प्रवेशानंतर बँकेने अभूतपूर्व भरारी घेतली असून, १५ हजार कोटी रुपयांचा ठेवींचा टप्पा गाठण्यात यश आले आहे.

शिरूर शाखेत विविध उपक्रमांचे आयोजन – माजी आमदार अशोक पवार यांनी बँकेच्या प्रगतीबाबत माहिती दिली

शिरूर शाखेत वर्धापन दिनानिमित्त आयोजित कार्यक्रमात गरजू विद्यार्थ्यांना शालेय साहित्याचे वाटप करण्यात आले. तसेच सभासदांना रोपे देऊन पर्यावरण संवर्धनाचा संदेश देण्यात आला. बँकेच्या परिसरात आकर्षक रांगोळी काढून वर्धापन दिनाचे औचित्य अधिक देखणे करण्यात आले.

शिरूर तालुक्याचे मा.विभागीय अधिकारी सचिन रणदिवे साहेब, कार्यक्रमास बँकेचे पदाधिकारी, कर्मचारी, सभासद व ग्राहक मोठ्या संख्येने उपस्थित होते. या वेळी शिरूर शहर राष्ट्रवादी काँग्रेस (शरदचंद्र पवार पक्ष) चे अध्यक्ष मुजफ्फर 

कुरेशी, मा. नगरसेवक मंगेश खांडरे, संजय देशमुख, ॲड. रवींद्र खांडरे, सुभाष पवार, सचिन कातोरे, सुरेश पाचर्णे, 

आप्पासाहेब वर्पे, आबासाहेब सरोदे (मा. पं. स), राठोड मॅडम, आप्पासाहेब बेनके, शोभनाताई पाचंगे, रेश्माताई शेख आदी मान्यवर उपस्थित होते.