एक घास मराठा आंदोलकासाठी सरपंच प्रकाश गाजरे यांच्या आवाहनाला पारनेरकरांचा उत्स्फूर्त प्रतिसाद.

पारनेर(अरुण बेलकर) : मराठा समाजाला ओबीसी प्रवर्गातून आरक्षण मिळावे यासाठी मनोज दादा जरांगे पाटील यांच्या नेतृत्वाखाली मुंबई येथे आझाद मैदानावर मराठी बांधवांस उपोषण सुरू आहे. मुंबई येथे लाखो मराठा बांधव आंदोलनासाठी दाखल झाले मात्र सरकारच्या धोरणांमुळे आंदोलकांचे खाण्यापिण्याचे हाल होत असल्याचे लक्षात येतात. म्हसोबा झापचे आदर्श सरपंच प्रकाश गाजरे यांनी पारनेर तालुक्यातील जनतेला एक घास मराठा आंदोलकांसाठी आवाहन केले. सरपंच गाजरे यांच्या आवाहनाला प्रतिसाद देत तालुक्यातील शेकडो मराठा ओबीसी बांधवांनी एकत्रित येत गावागावातून भाकरी, चटणी, लोणचे, पिण्याचे पाणी, फळे जमा करून आंदोलन स्थळी पोहोच केले. सामाजिक राजकीय धार्मिक संघटना यांनी एकत्रित येत सुरू केलेल्या या उपक्रमाचे तालुक्यातील जनतेकडून कौतुक होत आहे.  तालुक्यातील पारनेर शहर टाकळी ढोकेश्वर म्हसोबाझाप पोखरी वारणवाडी भाळवणी नांदूर पठार कारेगाव वडझिरे सुपा कान्हुर पठार हिवरे कोरडा वडगाव आमली अळकुटी निघोज गावांमधून प्रत्येकी दोन  गाड्या मुंबई कडे रवाना झाल्या आहेत.