मुंबई : राज्यातील १ एप्रिल २०१९ पूर्वी नोंदणीकृत सर्व वाहनांसाठी हाय सिक्युरिटी रजिस्ट्रेशन प्लेट (HSRP) बसवणे बंधनकारक आहे. परिवहन विभागाने ही अंतिम मुदत पुन्हा एकदा वाढवत ३० नोव्हेंबर २०२५ पर्यंत猶 सवलत दिली आहे. यानंतर १ डिसेंबरपासून ‘एचएसआरपी’ नसलेल्या वाहनांवर थेट वायुवेग पथकाद्वारे कारवाई होणार आहे, असा इशारा परिवहन आयुक्त विवेक भिमनवार यांनी दिला.
मुदतवाढीचं कारण
शहरात HSRP बसवण्यासाठी अपॉइंटमेंट मिळण्यास विलंब, ग्रामीण भागात फिटमेंट केंद्रांची उशिराने सुरुवात आणि काही ठिकाणी ती बंद असणे या कारणांमुळे तसेच लोकप्रतिनिधी व नागरिकांच्या मागणीमुळे हा निर्णय घेण्यात आला आहे.
राज्यातील स्थिती
सध्या अजूनही ८० टक्के वाहनांवर जुन्या नंबर प्लेटच आहेत. यामुळे लाखो वाहनधारकांना चिंता होती. चौथ्यांदा दिलेल्या मुदतवाढीमुळे त्यांना मोठा दिलासा मिळाला आहे.
मुदतवाढ असूनही निर्बंध कायम
HSRP शिवाय वाहन हस्तांतरण, कर्जबोजा चढवणे किंवा उतरवणे, पुर्ननोंदणी, वाहनातील बदल, परवाना नूतनीकरण (योग्यता प्रमाणपत्र वगळता) यांसारखी कामे थांबवण्यात आली आहेत.
कारवाईचे स्वरूप
१ डिसेंबरपासून ‘एचएसआरपी’ नसलेल्या वाहनांवर कारवाई केली जाईल. तपासणीदरम्यान जप्त वाहनांना HSRP बसवल्याशिवाय सोडण्यात येणार नाही. मात्र, ३० नोव्हेंबरपर्यंत अपॉइंटमेंट घेतलेल्यांवर कारवाई होणार नाही.
तक्रारींसाठी ईमेल — dytccomp.tpt-mh@gov.in
%20(27).jpeg){kind=small}
No comments:
Post a Comment