शिरूर : हरीत महाराष्ट्र घडवण्यासाठी “वृक्षारोपण मोहिम – एक पाऊल पुढे” या अभियानांतर्गत शिरूर पोलीस स्टेशन, पुणे ग्रामीण यांच्या वतीने वृक्षारोपण कार्यक्रम आयोजित करण्यात आला. हा कार्यक्रम बसस्थानकाजवळील शिरूर पोलीस स्टेशनच्या नवीन इमारत परिसरात पार पडला.
या मोहिमेसाठी श्रीविश्वक फाउंडेशन तर्फे एकूण ७० झाडे देण्यात आली. कार्यक्रमाचे उद्घाटन शिरूर शहरातील प्रसिद्ध नेत्रतज्ञ डॉ. स्वप्निल भालेकर यांच्या शुभहस्ते करण्यात आले. यावेळी शिरूर शहर व परिसरातील
राजकीय पक्षांचे पदाधिकारी, नगरसेवक, लोकप्रतिनिधी, सामाजिक कार्यकर्ते, महिला कार्यकर्त्या, पत्रकार व प्रतिष्ठित नागरिक उपस्थित होते.
शिरूर पोलीस स्टेशनचे अधिकारी व कर्मचारी यांनी "माझं झाड, माझं कर्तव्य – वृक्षारोपणात सहभागी व्हा आणि पर्यावरण वाचवा" या
संदेशाखाली प्रत्येकाने एक झाड लावले. लावलेल्या प्रत्येक झाडाची निगा राखण्याची जबाबदारी संबंधित व्यक्तींना देण्यात आली असून, एकूण ७० झाडे दत्तक घेण्यात आली आहेत.
%20(27).jpeg){kind=small}
No comments:
Post a Comment