सोलापूर ( सिद्धांत बाबरे) : केंद्र शासनाच्या महत्वाकांक्षी जल जीवन मिशन अंतर्गत स्रोत बाळकटीकरण व शाश्वतीकरण विषयक प्रशिक्षण कार्यक्रम समाज कल्याण केंद्र, दक्षिण सोलापूर येथे मोठ्या उत्साहात पार पडला.
या प्रशिक्षणाचे आयोजन जिल्हा परिषद सोलापूर, पंचायत समिती दक्षिण सोलापूर, पृथ्वीसंग्राम ग्रामविकास संस्था, कडेपूर (जि. सांगली) व परिश्रम ग्रामीण विकास संस्था यांच्या संयुक्त विद्यमाने करण्यात आले होते. प्रशिक्षणादरम्यान गटचर्चा, खेळ, गाणी यांसारख्या रचनात्मक माध्यमातून प्रशिक्षणार्थिनींनी उस्फूर्त सहभाग नोंदवला. कार्यक्रमास यशदा प्रशिक्षक भीमराव तुळजापूरे, सौदागर देवघन, उषा चव्हाण, कल्पना चव्हाण, सिद्धांत बाबरे यांनी मार्गदर्शन केले.
कार्यक्रम गटविकास अधिकारी श्री. शंकर कवितके यांच्या मार्गदर्शनाखाली पार पडला. प्रशिक्षण उद्घाटन प्रसंगी संस्थेचे अध्यक्ष दादासाहेब यादव, विस्तार अधिकारी खरबस सर, जिल्हा समन्वयक रजाक शेख, मुबारक शेख आदी मान्यवर उपस्थित होते.
कार्यक्रमाच्या शेवटी उपस्थित मान्यवरांच्या हस्ते प्रशिक्षणार्थींना प्रमाणपत्रांचे वितरण करण्यात आले. कार्यक्रमाच्या यशस्वीतेसाठी शंकर बंडगर (HRD), पाणी गुणवत्ता सल्लागार सोनल कुलकर्णी, तालुका समन्वयक गौरी तुप्पे, दीपाली दिंडे, मानकेश्वर वाघे, विकास कानकुर्ती यांचे मोलाचे योगदान लाभले. पंचायत समिती दक्षिण सोलापूर यांचेही विशेष सहकार्य लाभले.
%20(27).jpeg){kind=small}
No comments:
Post a Comment