दोन हजारांची लाच भोवली : धुळे जिल्ह्यातील शिरपूर पंचायत समितीच्या तांत्रिक सहायकासह दोघे एसीबीच्या जाळ्यात.

धुळे (चंद्रशेखर अहिरराव) : रोजगार हमी योजना अंतर्गत विहिर अनुदानाचे उर्वरीत साडेतीन लाखांचे बिज मंजूर करण्यासाठी दोन हजारांची लाच मागून ती स्वीकारताना शिरपूर पंचायत समितीतील महात्मा गांधी रोजगार हमी योजनेचे तांत्रिक सहाय्यक धीरज संजय भामरे,नरडाणा व तांत्रिक सहाय्यक सौरभ राजेंद्र ठाकरे, चोपडा यास धुळे एसीबीने लाच स्वीकारताच अटक केली.या कारवाईने शिरपूर पंचायत समितीतील लाचखोर हादरले आहेत.

४० वर्षीय तक्रारदाराची मौजे वकवाड येथे शेतजमीन आहे. या शेत जमिनीमध्ये तक्रारदाराला रोजगार हमी योजने अंतर्गत सन २०२३ - २४ मध्ये विहिरीसाठी चार लाखांचे अनुदान मंजूर झाले. विहिरीचे नियमानुसार काम पुर्ण झाले असून ५० हजारांचे अनुदान मिळाल्यानंतर उर्वरीत साडेतीन लाखांच्या अनुदानासाठी तक्रारदाराने शिरपूर पंचायत समितीत अभियंता धीरज भामरे यांची भेट घेतली. अनुदानाच्या मोबदल्यात व उर्वरीत 

अनुदानाचे बिल मंजुर करण्यासाठी दोन हजारांची लाच मागण्यात आल्याने १९ मे रोजी तक्रार देण्यात आली. पंचासमक्ष पडताळणी केली असता आरोपी भामरे याने दोन हजारांची लाच मागितले व स्वीकारण्याचे मान्य केले असल्याचे एसीबीच्या अधिकाऱ्यांनी यावेळी सांगितले.